Bruingeniør
Leirvik AS er ei moderne verksemd med over 300 topp kvalifiserte medarbeidarar. Etter meir enn 50 år som leiande innan design, bygging og vedlikehald av offshore bustadhotell, har me utvida satsinga vår til nye område som infrastruktur, akvakultur og havvind, samstundes som me held fram vår sterke posisjon innan LQ og moduler.
Vårt ingeniørmiljø utviklar teknologi og løysingar for blant anna bustadhotell, bruer og landbasert oppdrett – både på eige verft på Stord og offshore.
Omstilling har alltid vore ein del av vår reise, og suksessen vår byggjer på ei kontinuerleg nyskapings- og entreprenørånd gjennom generasjonar. Og det aller viktigaste: Me har gode folk på alle plan!
Leirvik AS utviklar løysingar for bruk av aluminium i berande brukonstruksjonar. No byggjer vi Hangarbrua, ei 55m lang nettverksbogebru i aluminium, for Statens Vegvesen, og detaljprosjekterer Grøttabrua for Møre og Romsdal fylkeskommune, Noregs første køyrebru i aluminium på over 30 år.
Leirvik AS investerer i moderne utstyr og teknologi for automatisk og effektiv bygging av brukonstruksjonane våre.
Me ynskjer no å styrkja fagmiljøet vårt med ein bruingeniør som kan bidra til satsinga vår innan denne marknaden.
Arbeidsstad Stord / Oslo, eller etter nærmare avtale.
Arbeidsoppgåver
- Bruanalyser av pågåande og komande prosjekt
- Dokumentasjon og oppfølging mot kundar og myndigheiter
- Utvikling av nye løysingar for bruk av aluminium i brukonstruksjonar
- Samarbeid med fabrikasjonsavdelinga vår om automatiserte byggemetodar
- Konstruksjonsanalyser innanfor Leirvik AS sine andre marknadsområder kan også vere aktuelt
Ynskja kvalifikasjonar
- Sivilingeniør/ingeniør innan relevant teknisk utdanning
- Erfaring med bruprosjektering/konstruksjonsanalyser etter N400 og Eurokoder, gjerne innan stål og/eller betong
- Kunnskap i programvare som Sofistik, RM Bridge, FEM Design etc.
- Kjennskap til BIM- og 3D-modelleringsverktøy
Personlege eigenskapar
- Løysningsorientert
- God forståing for praktisk byggeverksemd
- Kunne jobba strukturert og sjølvstendig
- Nytenkande og kreativ
- Gode kommunikasjonsevner, munnleg og skriftleg
- Omgjengeleg og lagbyggar
Me tilbyr
- Eit trygt og godt arbeidsmiljø i "Leirvik-familien"
- Ein spanande arbeidskvardag i lag med dyktige kollegaer
- Gode moglegheiter for fagleg utvikling
- Konkurransedyktige vilkår og tilbod om kjøp av ansattaksjar
- Gode pensjons- og velferdsordningar
Kontaktinformasjon
Geir Mosaker
Head of Development - Infrastructure
Stine Eide Halleraker
Senior HR-rådgivar
