Biolog / naturforvalter / geograf

I Statens vegvesen Region vest, Ressursavdelinga, har vi ledig stilling som biolog/naturforvalter/geograf ved Planseksjonen i Bergen.

Stillinga er knytt til Ressursavdelinga som er delt inn i seks fagområde (prosjektering, plan, eigedom, geo/skred, lab/vegteknologi og bru) med til saman ca. 290 tilsette fordelt på kontorstadane Leikanger, Stavanger i tillegg til Bergen. Planseksjonen utfører veg-, gate- og tunnelplanlegging på store og små prosjekt i eigen regi eller ved bruk av konsulentar. På planseksjonen i Bergen er vi 33 medarbeidarar mellom anna innan fagområda prosjektleiing, veg, landskap, naturmangfald og kulturminne. Kontorstaden har også regionen si kompetanseeining innan transportanalyse.

Arbeidsoppgåvene:

• sjølvstendige og utfordrande arbeidsoppgåver som i hovudsak vil fokusere på miljørelaterte spørsmål i planleggingsfasen av nye vegprosjekt, både innanfor kommunedelplanar og reguleringsplanar. Avhengig av erfaring og kompetanse kan dette vere innanfor naturmiljø, naturressursar og nærmiljø/friluftsliv.
• utgreiingsarbeid (konsekvensutgreiingar) og planarbeid
• vere kontaktperson ovanfor statleg miljøforvaltning og andre ytre aktørar.
• Yte intern fagleg bistand

Kvalifikasjonskrav og bakgrunn

• Utdanning frå universitet eller høgskule innan biologi, naturforvaltning, geografi eller tilsvarande. For kandidatar med sterk og allsidig praksis frå dei aktuelle fagområda og med gode personlege føresetnader for stillinga, kan kravet til utdanning fråvikast
• gode evner til samarbeid
• engasjement
• ønskeleg med erfaring frå miljøforvaltinga og/eller konsulentbransje/rådgivingsteneste på miljøområdet
• ønskeleg med erfaring og bruk av metodikk for konsekvensanalyse
• kjennskap til viktige lover/forskrifter innanfor miljøområdet
• ønskeleg med erfaring i bruk av digitale kartverktøy
• førarkort klasse B

Dersom du har teke heile eller delar av utdanninga di i utlandet, ber vi om ei autorisert omsetjing av dine papir og ei godkjenning frå NOKUT ( www.nokut.no).

Vi vil legge særs vekt på dine personlege eigenskapar og haldningar og ynskjer ein kollega som:

• er glad i faget ditt og resultatorientert
• kan styre, koordinere og samordne oppgåver
• er god til å samarbeide med andre
• er nalytisk og kan sjå problemstillingar frå fleire vinklar
• er flink til å uttrykke deg skriftleg og munnleg på norsk

Stort engasjement, mykje ansvar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman.

Du påverkar samfunnsutviklinga og du får bidra til framtidas løysingar på ditt fagfelt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidsdagar med god balanse mellom arbeid og fritid.

Vi tilbyr også desse goda:

• Introduksjonsprogram og fadderordning
• Fleksitid og gode ordningar for avspasering
• Pensjonsordning og høve til å få lån i Statens pensjonskasse
• Etatsskular og gode muligheiter for fagleg påfyll
• Bedriftshytter/bedriftsidrettslag

Løn avtalast nærare i samsvar med vår lønnspolitikk.

Søknad

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Kontaktpersonar:
Wilhelm Lund
tlf: +47 91623608

Søk her

Vis flere stillinger:

• Alle
• Søk etter Statens vegvesen Region vest,Bergen
• Fylke Hordaland