Byggeleiarar - Tunneloppgradering

Statens vegvesen, Region vest, Prosjektavdelinga, har ledige stillingar som byggeleiarar

Statens vegvesen skal oppgradera eksisterande tunnelar i fylka Sogn og Fjordane, Hordaland og Rogaland. Dette gjeld tunnelar som er lengre enn 500m på E39/E16 og på riksvegnettet. Arbeidet starta i 2014. Prosjektet er planlagt gjennomført i løpet av 2023. Dette kan verta forlenga alt etter arbeidsomfang og løyvingstakt.

Oppgraderinga omfattar nytt sikkerheitssystem i dei fleste tunnelane. Ny belysning og ventilasjon. Nye naudstasjonar og fleire evakueringsljos. For dei lengste tunnelane er det og aktuelt å sprenge fjellrom for nye tekniske bygg samt montere videokamera og høgtalarar i tunnelen.

Stillingane er knytt til Prosjektavdelinga, prosjekt Tunneloppgradering Region vest . Kontorstad i Haugesund, Bergen eller Aurland. Stillingane inngår i den regionale byggherrepoolen.

Arbeidsoppgåver for byggeleiar:

• Leie byggeførebuingane og ta del i planlegging og anbodsutarbeiding
• Oppfølgng av konsulentoppdrag
• Leie utbygginga
• Gjennomføre byggemøter
• Drive HMS-arbeid og ha fokus på ytre miljø
• Planlegging av trafikkomleggingar og omkøyringsruter
• Utføre kvalitets-, framdrifts- og kostnadskontroll
• Ha kontakt med og følge opp entreprenørar og leverandørar
• Ha kontakt med offentlege etatar, redningsetatar og vegbrukarar
• Ymse sakshandsaming
• Ha kontakt med media
• Utarbeide teknisk sluttrapport.

Kvalifikasjonskrav:

• Utdanning frå universitet eller 3-årig høgskule
• Omfattande og relevant erfaring innanfor dei aktuelle fagområda kan kompensere for manglande formell utdanning
• Stillingane set krav til mobilitet, og vi krev førarkort for bil (klasse B)
• De som vert tilsett må beherske norsk målføre, skriftleg og munnleg.

Dersom du har teke heile eller deler av utdanninga di i utlandet, tilrår vi at den vert godkjend av NOKUT ( www.nokut.no).

Vi legg vekt på at du:

• Har kunnskap om lover, forskrifter og regelverk innanfor fagområdet
• Har erfaring frå liknande arbeid/bransjeerfaring
• Har god skriftleg og munnleg framstillingsevne
• Er initiativrik, sjølvstendig og resultatorientert
• Har evne til å arbeida i tidvis hektiske tilhøve
• Har gode samarbeidsevner og er fleksibel
• Er genuint fagengasjert med stor interesse for tekniske anlegg og løysingar

Stort engasjement, mykje ansvar og fagleg utvikling:

Som tilsett i Statens vegvesen vert du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar. Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr:

• Introduksjonsprogram og fadderordning
• Fleksitid og gode ordningar for avspasering
• Pensjonsordning og høve til å søkje om lån i Statens pensjonskasse
• Etatsskolar og gode høve for fagleg påfyll

Lønna vert avtala nærare i samsvar med lønnspolitikken vår

Søknad

Statens vegvesen skal vera prega av mangfald, og dei tilsette hos oss skal spegla befolkninga. Vi legg vekt på å leggja arbeidsforholda til rette dersom du har behov for det.

Vi gjer merksam på at søkjarlista kan verta offentleggjord, sjølv om du har bedt om unntak frå denne. I så fall vert du varsla om det.

Kontaktpersonar:
Rune B. Sandven
tlf: +47 51911750
mob: +47 90653462

Søk her

Vis flere stillinger:

• Alle
• Søk etter Statens vegvesen Region vest,Haugesund/Bergen/Aurland
• Fylke Sogn og Fjordane
• Fylke Rogaland
• Fylke Hordaland